Mga nadaot nga biometrics data sa 1.9M botante mahiuli pa - COMELEC

Gipasalig sa Commission on Elections (COMELEC) nga ang mga nadunot nga biometrics data sa 1.9 ka milyon nga botante sa tibuok nasud ang dili mamahimong problema sa 2016 nga piniliay.

Gi butyag ni James Jimenez, ang tigpamaba sa COMELEC, nga gi imbestigahan na sa ilang buhatan ang maong insidente apan mipasalig nga ang ilang mga lokal nga buhatan ang dunay kopya o back-up sa mga nawala nga datos.

 “Ang maong mga file mi-agi pinaagi sa nagkalain-laing mga proseso sama sa pagkopya o pag burn (pagbalhin sa impormasyon gikan sa hard discs ngadto sa CD), transportasyon, ang pag abli sa mga CD - mao nga usahay ang mga files ma daot,” gibutyag ni Jimenez.

Gawas niini, miingon siya nga nakaplagan usab sa COMELEC nga dunay 1,728 biometrics files ang duna kini dili klaro nga mga pictures o kaha mga fingerprints sa mga botante, hain wala kini laing kopya o back-up files. (etf/PIA)