Comval: Selebrasyon sa 8th Bulawan Festival gisugdan sa Bulawan Fun Run

Compostala Valley Province – Sama sa nahaunang mga selebrasyon  gisugdan gihapon sa usa ka Bulawan Fun nga giapilan sa kapin kon kulang 5,000 Runners gikan sa lain-laing mga lungsod ug kasilinganang mga lugar sa Davao Region, ang usa ka semanang selebrasyon sa 8^th Bulawan Festival ug 17^th Founding Anniversary sa Comval Province nga gipasiugdahan sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, ug Senior Board Member Tyron Uy.

Unang midagan ang 5K Runners alang sa lima ka kilometrong gilay-on, ug si Gov. Uy mismo maoy mitiro sa 5K Gunstart sa mga alas 5:36 sa buntag. Nagsunod usab dayon  ang lumba dagan sa 3K Runners ug maoy mitiro sa Gunstart si PCL President SP Member Raul Timogtimog-natudlong Coordinator sa 8^th Bulawan Fun Run.

Si SP Member Timogtimog mao gihapon ang mitiro sa Gunstart alang sa Executive Run nga giapilan nila ni Gov. Uy; Vice Gov. Zamora; Senior Board Member Tyron Uy; Cong. Maricar Zamora; Mayor Roberto Yugo ug Vice Mayor Hajarah Ranain sa Pantukan; Mayor Lema Bolo sa Compostela; ug SP Members Atty. Ruwell Peter Gonzaga, Moran Takasan, Macario Humol, ug uban pa.

Mitunol sa premyo ngadto sa mga midaug sila si Gov. Uy ug BM Tyron Uy sa mga Runners nga nakadaug ug nahatagan sa ilang premyo ang mga midaug sa 5K Male Category nga sila Arnan Arbois-1^st Prize Winner, George Andrade-2^nd Prize Winner, ug  Michael John Echalico-3^rd Prize Winner. Sa Female Category nahatagan sa ilang premyo sila Judelyn Miranda-1^st Prize Winner, Claren Dojo-2^nd

Prize Winner, ug Marianne Dojo-3^rd Prize Winner.

Nahatagan sad sa ilang premyo ang runners nga midaug sa 3K Male Category nga sila Marlon Moralde Jr.- 1^st Prize Winner, John Kenneth CAstellon-2^nd Prize Winner, ug Geser Mike Arias-3^rd Prize Winner. Samtang sa  Female Category gihatagan sa ilang premyo  sila Annie Mary Defone-1^st Prize Winner, Princess Joy Robles-2^nd Prize Winner, ug Nova Queen Moralde-3^rd Prize Winner.  

Matud sa mga top 3 5K Male runners nga sila Arbois, Andrade ug Echalico nga taga Digos ug Davao, mao kini ilang unang higayun nga muapil ug Fun run sa Comval ug malipayun sila nga nakadaug ug ingon man sa maayong pagka-organisa sa kalihukan. “Welcome kaayo mi ug sadya ang pagpasiugda, lingaw kaayo!” (gilbert cabahug/ids comval)