PANABO CITY, Davao del Norte, July 21--- Aron matubag ang problema sa pangempleyo, ang lokal nga panggamhanan sa Syudad sa Panabo pinaagi sa Panabo Employment Service Office kon (PESO) nagpahigayon ug Job Fair para sa domestic ug overseas nga trabaho kaniadtong Hulyo 15 ning kasamtangang tuig, sa Davao del Norte State College, Barangay New Visayas. Kini usab gimugna atol sa 65th Founding Anniversary sa maong barangay.
Matud ni PESO Manager Cherelle Espinosa nga naay nagkalain laing serbisyo ang gihatag sa maong aktibidad. “ Nakitay mga pagparehistro sa social security system (sss), philhealth, pag-ibig, comelec, prc license renewal ug nso services”
Jeck Castañares, taga Panabo City, 25 ug mitapos sa korsong Hotel and Restaurant Management, nalipay sa maong resulta sa job fair tungod kay nadawat sya dayon. “Lipay kayo ko kay wala ko nag expect nga ma hired on the spot ko. Sipag at tyaga lng always ug dili lang maka limot sa pag ampo sa Ginoo”,sigun ni Castañares.
Nagmalipayon usab si Cleo Balatero, 25 anyos, taga Panabo ug kinamagulangan sa ilang pamilya sa resulta sa iyang interview.” As eldest sa among pamilya, dako kini nga tabang nga nadawat ko sa akong gi aplyan para abroad as nurse, especially nga nakoy manghod nga ginatabangan pagpaeskwela”.
Ang PESO Panabo kanunay naga hatag ug assistance sa mga aplikante nga nangita ug trabaho ma local man o abroad. Sa maong Job Fair nakasolisit sila ug 9959 job vacancies, 8047 niini para sa overseas ug 1912 para sa local employment. Sa 271 registered applicants, 51 niini Hired On The Spot (HOTS). (MARK ANTHONY G. GELLOR – CIO PANABO)
No comments:
Post a Comment