Monday, July 21, 2014

Disiplina ug pagtinabangay yawe sa kalampusan, matod sa usa kapitan

PANABO CITY, Davao del Norte, July 21--Nagmalampuson ang pasundayag sa mga nagkalaing laing sektor atol sa pagsaulog sa 65th Araw ng Barangay New Visayas nga gipahigayon sa Brgy. covered court kaniadtong Hulyo 16 ning kasamtangang tuig pinaagi sa disiplina ug pagtinabangay.

Nalipay si Barangay Kapitan Dizon Namuag sa resulta nga iyang nakita ang kahapsay ug kaorganisado sa selebrasyon. Gidayeg usab ni Kapitan Namuag ang partisipasyon sa nagkalain laing sektor sa preparasyon ug talent nga ilang gipakita.

“Gi tap nato ang ubang sektors nga moapil aron mahapsay ug molampos ang kasaulugan. I’m very much happy sa partisipasyon, kooperasyon ug suporta sa mga sectors”, sigun ni Kapitan Namuag.

Dugang pa ni Kapitan Namuag nga ang tao dapat dili magdepende lamang sa gobyerno. Kinahanglan mohatag ug contribution ang matag-usa aron molambo ang usa ka komonidad. “Dapat dili magsalig ang tao apan kinahanglan mohatag ug tampo either personal, moral ug financial. Dapat magtinabangay aron magmalambuon ang atong barangay.

Nagpakita usab ang senior citizen ug sayaw nga koratsa nga gipangunahan ni Mrs. Sineona Garcia. “Isip president sa New Visayas Senior Citizen, garbo namo nga gi imbita gihapon kami bisan sa among edad. Malipayon nga nahimo usab kaming tipik ug kabahin sa pagsaulog sa ika 65th founding anniversary”, pahayag ni Mrs. Garcia.

“Disiplinadong Tao, Nakakatulong  sa Pag Asenso” maoy tema sa selebrasyon, kini nagpakita nga ang mga lumulupyo sa barangay New Visayas disiplinado ug mahimong kaparte sa paglambo sa barangay  sa pamaagi sa pagpartisipar sa mga programa sa gobyerno.

Misalmot ang nagkalain laing gropo sama sa Day Care Teachers, Solid Waste Management (SWM) Team, New Visayas Elementary School teachers, Ex-Overseas Filipino Worker, Barangay Council of Women, Health Team, Senior Citizen, Religious Group, IP-Tribal Group ug 4P’s Group. (CIO Panabo)

No comments:

Post a Comment