Kapin 19 mil Pablo Survivors nakadawat sa sen ug mga lansang nga gipanghatag sa probinsiya

by Gilbert M. Cabahug

COMPOSTELA VALLEY PROVINCE-----Nadugangan na sad ug kapin 19 mil ka pamilya sa ComVal ang nakadawat sa libreng sen ug mga lansang nga gipanghatag sa Department of Social Welfare and Development (DSWD) ilalom sa Emergency Shelter Assistance (ESA) Program ni Pangulong Benigno S. Aquino-III.

Kini mao ang 2nd  Trance Release sa Emergency Shelter Assistance (ESA) sa DSWD ug maoy gihatagan niini ang Typhoon Pablo Survivors nga Partially Damaged ang ilang mga balay.

Sama sa nahaunang mga pagpang apud-apod mao gihapoy gisaligan sa Malacañang sa paghatud niini ngadto sa mga katawhan ang liderato sa  probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members.

Matud ni Shelter Cluster Lead PGSO Chief Arceli Timogtimog nga ang Kick Off sa 2nd Trance Release diha himoa sa Municipal Gymnasium sa Poblacion Monkayo niadtong Abril 8, 2014, ug nahatagan sa probinsiya ug libreng sen ug mga lansang ang mokabat 1,274 ka pamilya.  Maoy gisaligan ni Gov. Uy niadtong adlawa sa pagtunol niini sila Vice Gov. YK, SP Member Ramil L. Gentugaya ug SP Member Joseph Jaoud.  Ilang kauban sila Mayor Joselito Brillantes ug Brgy. Capt. Allen L. Cabag.

Ang pinakaulahing Report sa Provincial Social Welfare & Development Office (PSWDO) nagtug-an nga as of July 2014, miabot na sa 19,6266 pamilyang Survivors sa Typhoon Pablo sa ComVal ang nakadawat sa hinabang nga libreng Sen ug mga lansang.  (gilbert m. cabahug, ids-comval)