by Gilbert M. Cabahug
COMPOSTELA VALLEY PROVINCE – Miabot sa 75 ka paresan sa mga magtiayon diha sa lungsod sa Pantukan ang nakabenepisyo sa usa ka adlaw’ng “Family Enrichment Seminar” nga libreng gitunol sa liderato sa probinsiya ilalom sa nagpadayong “Provincial Spiritual Development and Moral Recovery Program (PSD-MRP), ug maoy gipaapil niini ang mga magtiayon diha sa mga kabaranggayan sa lungsod nga gisulod sa nagpadayong “Adopt A Child Program ni Governor Arturo “Chiongkee” Uy.
Ang Seminar diha nila himoa sa Wellborn Beach Resort niadtong Hulyo 4, 2014 ug miapil niini ang 75 ka mga magtiayon gikan sa mga Barangays sa lungsod nga dunay mga batang adopted nga mao ang Brgy. Kingking- 25 ka mga magtiayon, ang Brgy. Tibagon– 25, ug ang Brgy. Bongabong laing 25.
Lecturers sila si Executive Assistant IV Isabelo L. Melendres sa temang “Unsa ang kahimtang sa Pamilya karon?”; si Assistant PPDO Chief Mr. Raymundo Pajarito sa temang “Pagpalig-on sa Pamilya”; si PLO Chief Atty. Richard Liban sa temang “Marriage and Family: Legal Perspective”; ug si Assitant Provincial Administrator Fernando Juab nga maoy mihatag sa “Rationale” sa usa ka adlaw’ng “Family Enrichment Seminar”.
Ang pagtunol ug libreng “Family Enrichment Seminar” maoy dugang kaayohan nga gibubo sa liderato sa probinsiya diha sa mga kabaranggayan nga dunay mga batang “Severely Underweight” nga giatiman sa mga empleyado sa Kapitolyo pinaagi sa paghatag sa mga masustansiya ug puno sa bitaminang mga pagkaon sa kada semana ilalom sa nagpadayong “Adopt- A-Child Program” ni Gov. Uy nga karon gihimo nang usa ka “Community- Based”.
Ang libreng “Family Enrichment Seminar” padayong gitunol sa liderato sa probinsiya sa pagpanguna nila ni Gov. Uy, Vice Gov. Manuel “Way Kurat” Zamora, Senior Board Member Tyron, ug SP Members. Gipasukad kini sa dakong pagtuo nga ang pamilya mao ang “Breeding Ground of Nation’s Leadership-Workshop of the Nation, the Index and the Guardian of its Future.” (gilbert m. cabahug, ids-comval)
No comments:
Post a Comment