by Gilbert M. Cabahug
COMPOSTELA VALLEY PROVINCE-----Gipangandaman karon sa liderato sa probinsiya ang nagsingabot nga pagsaulog sa National Disability Prevention and Rehabilitation (NDPR) Week, ug kabahin sa gihimong pagpangandam ang usa ka adlaw’ng “Provincial Forum on Disability Rights Promotion” nga malampusong gihimo diha sa Social Hall sa Kapitolyo.
Nahitabo ang maong panagtapok niadtong Hulyo 8,2014 nga gitambongan sa mga dagkong opisyal sa probinsiya; mga dagkong opisyal sa 11 ka mga munisipyo labi na diha sa mga Municipal Social Welfare and Development Offices (MSWDOs); ug mga dagkong opisyal sa National Line Agencies nga nag-operate sa probinsya apil niini ang TESDA, DOLE, DTI, PNP, DepEd, ug uban pa.
Ang kalihukan gisugdan sa Welcome Message ni Executive Assistant IV Isabelo L. Melendres human gipaila ni PSWDO Chief Josephine Frasco ang mga bisita ug mga partisipante sa maong “Provincial Forum and Disability Promotion.”
Pinasidunggang mamumulong si National Council on Disability Affairs (NCDA) Regional Programs Coordinator Ruth C. Tacujan nga maoy naghisgut sa mga katungod ug pribilihiyo nga gihatag sa gobyerno ngadto sa mga baldado ilalom sa topikong “Key International and National Mandates on Disability” nga gibase sa mga balaod nga naaprobahan sa “United Nations Convention on the Rights of Persons with Disabilitites (UNCRPWD)”.
Sa gihimong panagtapok, subling gipahibalo sa liderato sa probinsiya ang hugtanong suporta niini sa gihimong “Philippine Decade Plan of Action” sa PSWDs nga maoy tumong sa mas gipahugtang “Program for Differently Abled Persons” nila ni Governor Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug mga SP Members nga padayong giimplementar pinaagi sa “Provincial Social Welfare and Development Office” kun PSWDO. (gilbert m. cabahug, ids-comval)
No comments:
Post a Comment