Walay rason nga ipasaka ang alert level sa nasod - PNP

Walay nakitang rason ang pamonoan sa Philippine National Police (PNP) nga magpasaka ug alert level ang nasod taliwala sa nagkadaghang pagpangatake sa grupong jihadists nga Islamic State. Kini sumala sa  tigpamaba niini nga si Chief Superintendent Wilben Mayor niadtong adlawng martes.

Ang mga ahensiyang tigpatuman ug balaod sa nasod ang dili magpasaka sa ilang alert level bisan pa man sa gipaguwang global alert sa US State Department para sa ilang mga kababayan human sa pagpangatake sa mga terorista ngadto sa mga nasud sa France ug Mali.

Gipasalig sa armadong kusog sa nasud (AFP) diha sa publiko nga wala kini sila makadawat ug bisan unsang  klaseng hulga gikan sa mga terorista dinhi sa nasud. (etf/PIA)