Hinay nga pag usad sa hustisya sa Maguindanao massacre gikadismaya sa usa ka langyaw nga grupo

“Ang hustisya nagpabiling idlas,”  kini ang gi butyag sa International Freedom of Expression Exchange (IFEX) sa ilang gipaguwang pahayag.

Ang IFEX usa ka hugpong sa 104 ka mga organisasyon nga naka base sa Montreal ang aktibong naga kampanya alang sa kagawasan sa pagpahayag diha sa 65 ka mga nasud. Dinhi sa nasud, gi representahan kini sa media development group sa Center for Media Freedom and Responsibility.

Gi batbat sa IFEX nga ang hinay nga dagan sa pagtaral sa kaso sa massacre maoy naka ambag sa gitawag nga “ingrained culture of impunity” dinhi sa nasud.                                                                                                                                                                                                                                            
Sa ingon aning ‘culture of impunity,’ “dili lamang kini nag limod ug hustisya ngadto sa mga biktima sa maong kaso sa massacre” apan nagpugas pud kini ug kahadlok diha sa katilingban, dugang ingon pa niini. (etf/PIA)