Launching sa “Ang Akong Probinsiya Module” gihimo sa Comval

Compostela Valley Province – Gipangunahan mismo ni Schools Division Supt. Dr. Dee D. Silva ang  Launching sa gihimong Araling Panlipunan Module sa probinsiya sa Comval nga nag-uluhan ug “Ang Akong Probinsiya-Compostela Valley” nga maoy himoong Local Reference sa Araling Panlipunan Teachers panahon sa ilang pagtudlo ngadto Grade-3 Pupils sa Subject nga “Araling Panlipunan”  ingon nga tubag sa DepEd Memo niadtong Agusto 2014 nga kabahin sa hugtanong pag-implementar sa “K to 12 Program for Basic Education ” ni Pangulong Benigno S. Aquino-III.

Ang paglunsad sa gihimong “Araling Panlipunan Module” diha himoa sa Comval Capitol Lobby niadtong Sept.28, 2014.

Dugang sa gihimong mga paningkamot  sa  liderato sa probinsiya sa pagpanguna nila ni Gov. Arturo “Chiongkee” Uy, Vice Gov. YK nga mas motaas pa ang kalidad sa edukasyon sa Comval ang pagpalambo sa kahimatngon (awareness) sa mga katawhan ug sa ilang mga anak sa kasayuran bahin sa kaugalingong lugar.

Kini  pinaagi sa gihimong usa ka Instructional Module nga ang labing dakong porsiento sa mga ginahisgutan mao ang bahin sa Comval ug ang dakong kalambigitan niini sa  kasilinganang mga lugar sa Davao Region diha sa hiniusang mga paningkamot, mga panglantaw, mga pangandoy, ug pangkalambuang mga tinguha.

Kabahin sa gihimong launching ang paghatag nila ni P.A. Virgilia S. Allones, SDS Dr. Dee D. Silva, ug Araling Panlipunan Coordinator Education Supervisor Dr. Grace Pontillas ngadto sa  14 ka “Araling Panlipunan Teachers” nga maoy natahasan sa pagsulat niini, sa Certificate of Recognitions nga pirmado nila ni Gov. Uy ug Vice Gov. YK.

Pinaagi sa gipanghatag nga mga sertipiko opisyal nga gipahibalo sa liderato sa probinsiya ang dakong pag-ila ug pagpasidungog sa ilang mga kahago ug mga paningkamot sa paghimo sa usa ka Local Reference Material gamit ang Mother Tongue sa Rehiyon nga Cebuanong Binisaya. (gilbert cabahug/ids comval)