Roxas ngadto sa mga opisyal sa Brgy: motabang nga malimitahan ang kurapsyon diha sa kapulisan ug sa gobyerno

Gi awhag kagahapong adlawa (Oct. 7) ni Interior and Local Government Secretary Mar Roxas ang mga lideres sa barangay sa tibuok nasud nga aktibong mo salmot sa mga pagpaningkamot sa nasudnong pangamhanan aron malampusong mapatuman ang programang Daang Matuwid.

Sa usa ka pakigpulong sa mga lideres sa barangay sayo niining semanaha, gipanawagan ni Roxas ngadto sa mga opisyal sa barangay nga dili magduha-duha ug hinuon pahibaw-on siya o ang mga buhatan sa DILG sa tibuok nasud, sa bisan unsang iligal ug kwestyonableng binuhatan sa mga pulis ug mga opisyales sa gobyerno diha sa ilang mga lugar.

Gi awhag usab ni Roxas ang mga lideres sa barangay nga pahibaw-on siya sa bisan unsang mga kabalaka maykalabot sa mga butang nga maka apekto sa ilang kumonidad. (PCOO News_090814)