Purisima atubangon ang balaod kung gikinahanglan - Malakanyang

Si Director General Alan Purisima, ang hepe sa Philippine National Police (PNP), ang nakabuhat na ug daghang butang, sama sa pagpangita ug solusyon sa mga high profile crimes, ug kini nagpabiling gisaligan ni presidente PNoy. Kung ang ubang tao gi akusahan siya ug anomaly ug gusto mopasaka ug reklamo batok kaniya, gikinahanglang tubagon niya ang maong reklamo, kini sumala sa usa ka opisyal sa malakanyang.

Si Presidential Communications Secretary Herminio Coloma Jr.  nagpaklaro sa maong punto ug nagseguro nga ang hepe sa PNP ang mamahimong responsable sa kung ugaling ipatawag para tubagon ang mga alegasyon ug reklamo kaniya.

“Tugotan nalang nato asa mokiling ang balaod,” sumala ni Coloma. “Nagpabilin siyang responsable, sama sa tanang opisyal sa gobyerno, ug kinahanglan atubangon ang balaod.” (Daily News Digest_090814)