Thursday, November 13, 2014

PNoy wala gipangayo sa senado ang pagpa-undang sa pag imbestiga kay Binay - Malakanyang



Wala gipangayo ni Presidente Benigno Aquino III ngadto sa  Senate Blue Ribbon subcommittee ang pagpa-hunong sa pag imbestiga ngadto sa mga alegasyon batok kang bise presidente Jejomar Binay, kini sumala sa Malakanyang.

“Gusto lang namo saktohon ang gikataho nga gusto sa presidente nga ihunong na sa senado ang imbestigasyon kay bise presidente Binay. Sa kasayuran sa tanan, ang gibuhat sa presidente mao lamang ang pagpaabot ngadto sa Senate President sa gi hangyo sa bise presidente,” kini sumala sa pahayag ni Edwin Lacierda ang tigpamaba sa malaknayang.

Gi butyag pa ni Lacierda nga bago gipaabot ni presidente Aquino ang gi hangyo ni Binay ngadto kay Senate President Franklin Drilon, gipahibalo sa presidente ang bise presidente nga dili niini madiktahan ang mga senador sanglit ang senado gilangkuban sa 24 ka “managlahing gingharian.” (ETF_Daily News Digest 111314)
  

No comments:

Post a Comment