Palasyo gi kumpirma ang pagkapatay sa laing lider sa Abu Sayaff

ANg padayong pagukod batok sa Abu Sayaff Group (ASG) ang mi resulta sa pagkapatay sa laing lider sa maong grupo, kini gi kumpirma sa usa ka opisyal sa malakanyang niadtong adlawng domingo.

Sa usa ka pakighinabi ngadto sa istasyon sa radyo dzRB Radyo ng Bayan, gi butyag ni Presidential Communication Operations Office Secretary Herminio Coloma, Jr., nga si ASG leader Sihata Latip ang namatay sa usa ka engkwentro tali sa hiniusang pwersa sa kapulisan ug kasundalohan niadtong sabado sa hapon.

Sumala ni Joint Task Group Sulu commander, Col. Alan Arrojado, ang maong engkwentro nahitabo niadtong nakalabay nga sabado sa alas 4:45 sa hapon didto sa Baranggay Duyan Kaha, sa Sulu diin misukol kini atol sa pag aresto niini.

Usa ka sundalo ang namatay samtang usa pa ang samdan atol sa pagsinukliay ug bala.

Ang Abu Sayyaf Group sub-leader nga si Hairullah Asbang ug laing walo ka mga kaubanang rebelde ang napatay niadto Nobyembre 14, human sa nahitabong engkwentro tali sa pwersa sa kasundalohan. (etf_PCOO News)