PNoy subling gi barugan nga dili mag apas ug ika duhang termino

Subling gi hayag ni presidente Benigno Aquino III ang nahimong baragunan niini niadtong nakalabayng bulan sa Oktobre kung asa gi basura niini ang posibilidad sa pagpangita ug ika duhang termino.

Sa usa ka pakighinabi sa mga mamahayag ngadto sa Singapore asa atua siya para sa duha ka adlaw nga opisyal nga pagbisita, si presidente Aquino nagbutyag nga gusto niyang mo distansya gikan sa gitawag nga politics of personalities.

Gi butyag usab niini nga dili niya gusto ang pagsubli sa unsay nahitabo ni kanhing presidente Ferdinand Marcos, kinsa nagpabilin sa gahom dul-an 20 ka tuig.

Gipangutana kung unsa iyang planong buhaton pagkahuman sa iyang termino – asa dunay usa ka tuig nga pagbawal sa pagkupot ug pwesto sa gobyerno – matod sa presidente iyang gamiton ang maong panahon aron maka "recharge." (ETF_DNDigest 111814)