Mga Filipino peacekeepers gikan sa naigo sa Ebola nga nasud sa Liberia mo abot karong adlawa (Nobyembre 12)

Gikatakdang mo abot karong adlawa (Nobyembre 12) sa nasud ang 133 ka mga Filipino peacekeepers gikan sa nasud Liberia apan dili usa kini sila tugtan nga makighimamat sa ilang mga kapamilya.

Ang Filipino peacekeepers ang gikatakdang mo abot alas singko kwarenta e singko sa hapon ngadto sa Villamor Air Base sa Pasay City.

Mo deritso kini sila dayon ngadto sa Sangley Point sa Cavite aron mo lulan kini sa usa ka barko sa navy nga mag dala kanila ngadto sa Caballo Island, kung asa ipailalom sila sa 21 ka adlaw nga kuwarentenas isip preventive measures batok sa makamatay nga Ebola virus.

SI Department of Health spokesman Dr. Lyndon Lee-Suy nagpaklaro nga ang mo abotay nga mga sundalo ang human ng na eksamin sa taga United Nation didto sa nasud Liberia ug negatibo ang mga resulta niini, apan gikinahanglan pa sa nasud nga magpahamtang ug dugang pagsusi aron maseguro sa publiko nga luwas sila sa maong sakit. (ETF_Daily News Digest 111214)