Kongreso nagduso alang sa pagpagula ug 'Filipino ID Card'

Usa ka balaodnon asa nagmando sa gobyerno nga mo isyu ug "Filipino ID card" ang gi endorsar alang sa pag aproba sa plenarya diha sa ubos balay balauranan.

Ang House Bill (HB) 5060 o ang  "An act establishing the Filipino Identifying System Act" ang nagtumong nga hiusahon ang tanang government issued identification cards ngadto sa usa ka national information card alang sa tanang Pilipino.

Ilalom sa maong balaodnon, obligasyon sa Philippine Statistics Authority (PSA) ug sa Department of Foreign Affairs (DFA) ang pag implementa sa maong programa ug sa pag mentinar ug usa ka Filipino Citizen Registry.

Ang Filipino ID card ang gibuhat sa usa ka tamper-proof security material nga adunay naka imprentang hulagway, ngalan, adlaw natawhan, henero, adlaw kung kanus-a gipagula ug pirma sa nanag-iya sa maong ID card. (PhilStar_Oct. 2,2014)