Unang katolikong Cardinal gikan sa Mindanao naghangyu ug mga pag ampo alang sa malampusong Citizens’ Peace Summit

Gi hangyu ni Cotabato Archbishop Orlando Cardinal Quevedo ang debotong katoliko  niadtong adlawng domingo (Abril 5) sa pag ampo atol sa selebrasyon sa Easter, alang sa kalampusan sa Citizens’ Peace Summit nga gipatawag ni presidente Aquino, aron sa pagpahigayon ug pampublikong paghisgut-hisgut sa gilaraw nga Bangsamoro Basic Law (BBL), ug pag sumiter ug konklusyon ngadto sa kongreso aron matabangan nga mahatagan ug konsiderasyon ang maong balaodnon.

Gi butyag ni Cardinal Quevedo nga ang Peace Summit usa ka dalayegon nga lakang sa presidente isip tubag sa nahitabong krisis sa pampublikong suporta alang sa BBL.

Ang grupo nga gi imbitahan sa presidente ang gilambigitan nila ni Manila Archbishop Luis Antonio Cardinal Tagle, kanhi Chief Justice Hilario Davide, kanhi Ambassador Howard Dee, ang negosyanteng si  Jaime Augusto Zobel de Ayala ug Muslim youth leader Bai Rohaniza Sumndad-Usman ang gi tahasan sa pagpahigayon ug Peace summit aron mapasabot pag ayo ang katawhang Pilipino sa kasabutang pangkalinaw ug matabangan usab ang kongreso nga maka buhat ug saktong desisyon kalabot sa BBL.

Dugang ingon ni Quevedo, “Ang pagpahigayon ug usa ka mabuot  ug may tumong nga pagtuon sa gilaraw nga Bangsamoro Basic Law, pag ila sa mga probisyones nga mamahimong sukwahi sa konstitusyon, pagsugyot ug kausaban niini, nga magseguro nga ang otonomiyang dugay ng gipangandoy sa mga kaigsoonang Moros ang dili mahimong blangko nga pulong.” (etf/PIA)