Eleksyon sa 2016 kinahanglan madayon, sumala sa malakanyang

Gi butyag sa malakanayang nga kinahanglan nga ipadayon ang eleksyon sa tuig 2016 bisan pa man sa laing kaparotan nga nahiaguman sa Commission on Elections sa preparasyon niini alang sa sunod tuig nga piniliay, kini human nga nakahukom ang korte suprema nga ibasura ang kasabutan uban sa Smartmatic alang sa maintenance ug pag-ayo sa mga PCOS machines.

Ang tigpamaba sa presidente nga si Edwin Lacierda ang nagbutyag nga ang COMELEC adunay mandato nga segurohong dunay eleksyong mahitabo karong Mayo sa sunod tuig.

Gipabayaan nalang sa malakanyang ngadto sa maong buhatan ang pagdesisyon kung ang umaabot nga eleksyon mamahimong manual o automated. (etf/Daily News Digest)