PNoy makighimamat sa presidente sa Indonesia, kaso ni Veloso tukion

Mibiya si presidente Benigno Aquino III niadtong adlawng  Dominggo aron sa pagtambong sa ika 26 nga Association of Southeast Asian Nations (ASEAN) Summit nga gipahigayon ngadto sa Kuala Lumpur, Malaysia, misaad nga makig istorya kay Indonesian President Joko Widodo ug tinguhaon niining ma libre ang kinabuhi sa Pilipinong si Mary Jane Veloso, kinsa paga bitayon pinaagi sa firing squad  ngadto sa Indonesia karong Abril 28.

“Sa pagsalmot nato sa ASEAN Summit, atong pahimuslan ang oportunidad aron sa pagpadayon sa atong mga pagpaningkamot nga matabangan ang atong isig ka pinoy nga si Mary Jane Veloso. Kita maningkamot nga makigsulti kay Presidente Joko Widodo sa nasud Indonesia aron sa pagapelar sa iyang kaso,”  Kini sumala ni Aquino sa iyang pagpamulong bago kini mi biya.

Sumala sa tinubdan gikan sa Malakanyang ang nagkanayon nga makighimamat si presidente Aquino kay Widodo bago magsugod ang ASEAN leaders’ plenary meeting karong adlawa (Abril 27) sa 9:00 a.m. hangtud 10:00 a.m. (etf/PIA News Digest)