COMPOSTELA VALLEY PROVINCE-----Padayon gihapon karon ang gihimong pagpanghatag sa probinsiya sa Family Food Packs ngadto sa mga biktima sa milabay’ng bagyong Pablo. Gikan sa Enero hangtud karon anaa na sa Round 5 level kUn ikalimang tuyok ang Family Food Packs Distribution sa probinsiya ngadto sa mga pamilyang nakasinati ug grabeng kalisod tungod nadaot ang ilang pananom, kabtangan, panginabuhian, ug pinuy-anan human maigo ang ilang lugar sa giilang usa sa pinakakusog nga bagyo sa kalibutan.
Ang Provincial Social Welfare and Development Office (PSWDO) nagtug-an, nga gikan Enero 29 lang nakahuman na sila sa ika-upat nga hugna sa pagpang apud-apod sa mga hinabang pagkaon ngadto sa typhoon Pablo victims nga hangtud karon wala pa gayud maka-recover sa nasinatian nila nga grabeng kalisod ug kawad-on. Ang gipanghatag nga hinabang pagkaon nagagikan sa UN World Food Program; sa National nga Gobyerno pinaagi sa DSWD; ug sa mga Local Donors.
Maoy gitutukan sa pagtunol niini ang 5 Hardly Hit Municipalities nga mao ang mga lungsod sa New Bataan, Compostela, Monkayo, Montevista, ug Laak. Sa ubang mga lugar nga wala kaayo nagrabehan aduna gihapoy pagpang-apod-apod niini diha sa pipila ka mga apektadong Brgy.
Sa laing bahin ang Laak Municipal Social Welare and Development Office (MSWDO) nagpahibalo usab nga diha sa lungsod sa Laak nagpadayon ang paspas nga dsitribution sa Family Food Packs, ug gani nakalibot na sila ug kanapulo sa pagpang apod-apod sa mga hinabang pagkaon sa tanang mga kabaranggayan gikan niadtong Disyembre 2012 hangtud karon.
Ang MSWDO sa Laak nagtug-an usab nga sa kada round sa family food packs distribution adunay mokabat 19,580 ka pamilya ang ilang gihatagan niini diha sa 55 ka mga barangays sa lungsod. Sulod sa usa ka Family Food Pack nga ilang gitunol ang 10 kilos nga bugas, noodles, kape, ug mga pagkaong delata. (Gilbert M. Cabahug, ids-comval)
No comments:
Post a Comment