COMPOSTELA VALLEY PROVINCE-----Padayon gihapon hangtud sa bulan sa Hunyo ang gihimong pagpanghatag sa probinsiya sa mga hinabang pagkaon, ug matud ni Governor Arturo “Chiongkee” Uy nga ang tanan gayud nga mga biktima sa Supertyphoon Pablo maoy gipanghatagan sa probinsiya sa Family Food Packs ug walay gipili ug gisayloan sa distribution basta klarong naglisod.
Sa gihimong Press Conference nga gidumala sa Davao Region Multi-Media Group (DReMMG) diha sa Molave Hotel sa Tagum City niadtong Abril 18, gisulti sa Gobernador ng si Pangulong Aquino pinagi ni DSWD Sec. Soliman misaad nga ipadayon ang pagpanghatag ug hinabang pagkaon hangtud sa bulan sa Hunyo.
Tungod niini personal siya nga nagpasalamat ug daku matud pa ngadto sa pangulo ug sa DSWD Secretary kay giuyonan ang ilang hangyo ni Gov. Corazon Malanyaon nga ipadayon hangtud sa Hunyo ang Disitribution sa Family Food Packs tungod wala pa maka-recover sa kalisod ang mga katawhan labi na ang mga mangunguma nga maoy pinakadaghan nga hut-ong sa mga katawhan sa probinsiya sa Comval.
Giklaro sad karon sa gobernador nga ang repacking ug distribution sa mga hinabang pagkaon gihimo sa kada adlaw gawas sa adlaw’ng Dominggo, ug duna nay maayong sistema sa pagpang apud-apod niini aron daling makaabot sa mga pamilya nga nanginahanglan. (Gilbert M. Cabahug, ids-comval)
No comments:
Post a Comment