Wednesday, April 17, 2013

Hagit ni Gov. Uy sa bag-ong Scholars nga sila maka-graduate with flying colors!


by Gilbert M. Cabahug
  
COMPOSTELA VALLEY PROVINCE-----Sa iyang paghatag ug mensahe sa gihimong Compostela Valley Scholarship Program (CVSP) Orientation diha sa Social Hall sa Kapitolyo maoy hagit ni Governor Arturo “Chiongkee” Uy sa mga bag-ong eskolar sa probinsiya nga ilang tinguhaon nga sila maka-graduate with flying colors.

Ang bag-ong batch sa mga eskolar sa probinsiya ug ang ilang mga ginikanan gipailalom sa usa ka CVSP Orientation.  Maoy unang gipailalom sa usa ka adlaw’ng Orientation bag-ohay lang ang mokabat 120 ka mga bag-ong Scholars nga mokuha sa Technical Vocational Education Training (TVET), ug pagka-sunod adlaw mao na say gipailalom sa usa ka adlawng Orientation kadtong napiling mga eskolar nga mokuha sa kursong Baccalaureate kun kurso nga upat ka tuig pataas sa kolehiyo.

Sa iyang pakigpulong gidasig ni Gov. Uy ang bag-ong batch sa scholars sa probinsiya nga lig-onon ang ilang determinasyon nga makahuman, ug matud pa niya nga walay pangandoy nga dili makab-ot kun dunay lig-ong determinasyon, disiplina sa kaugalingon, paningkamot, ug kakugi.

Luyo niini sila iyang gipahimangnoan nga kinahanglan ilang tahuron ug respetuhon  ang sulti ug mga tambag kanila sa ilang mga ginikanan tungod base sa iyang kasinatian makatabang gyod ug dako nga sila magmalampuson sa ilang mga tinguha kon ilang sundon ang ilang mga ginikanan.

“We will work together para ang batch na ito ay talagang makapag-graduate. Congratulations parents, congratulations scholars! Most important is that you do your best na kayo ay makapag-graduate with flying colors.”  Matud ni Gov. Uy.  (Gilbert M. Cabahug, ids-comval)

No comments:

Post a Comment