COMPOSTELA VALLEY PROVINCE-----Ang Local Government Unit (LGU) Nabunturan ug ang Nabunturan Integrated Cooperative (NICO) maoy giilang Fastest Bayani Builders sa bag-o nahumang “National Gawad Kalinga Build 2013” nga mao ang dungan nga pagtukod sa 50 ka mga balay diha sa lungsod sa Compostela.
Niadtong Marso 23-27, ang PLGU Comval ug ang LGU Compostela maoy nag-Host sa “National GK Build 2013” nga malampusong gihimo diha sa “SOP Kahiusahan USWAG GK Village sa Brgy. Osmeña sa Compostela, ug sulod sa 5 ka adlaw gitabangan ug tukod sa mga katawhan ang 50 ka mga balay (25 Dulex houses).
Ang NICO ug ang LGU Nabunuturan maoy nagtabang sa usa ka Duplex House sa nagdikit nga House no. 53 nga gitukod sa NICO; ug sa House no. 54 nga gitukod usab sa LGU Nabunturan. Ang maong Duplex House nga ilang gitukod nahuman nga kumpleto sa pintura ug landscape sulod lang sa lima ka adlaw.
Sa gihimong Culmination Program, sila maoy giilang Fastest Bayani Builders ug timaan sa gihimong pag-ila sa probinsiya ug sa National Gawad kalinga Leadership sa ilang talagsaong katakos sa House Build, usa ka nindot nga Plaque ang gitunol mismo ni Governor Arturo T. Uy ngadto ni Mayor Romeo Clarin ug sa mga dagkong Opisyal sa NICO.
Lakip usab sa mga gipasidunggan niadtong adlawa ang LGU Panabo City nga giilang “Most Active Bayani Builders,” ang Legacy College of Compostela nga giilang “Most Supportive Bayani Team,” ang 72nd Alpha Company Bayani Team nga maoy “Biggest Bayani Builders,” ug ang De la Salle Builders ingon nga “Most Participative Builders”.
Gawas sa Award nga ilang nakuha isip “Most Participative Builders” ang Team Builders sa De la Salle University nga gilangkoban sa mga Masteral Students, Faculty, ug Staff sa maong unibersidad mao sad ang nakangkon sa “Tree Planters Award” nga gitunol kanila sa gobernador ug sa National Leadership sa Gawad Kalinga. (Gilbert M. Cabahug, ids-comval)
No comments:
Post a Comment