Thursday, May 28, 2015

Pinoy nurses, kinahanglan sa UK ug Ireland



Gibuksan ang kapin sa 700 ka bakanteng trabaho alang sa mga Pinoy nurses sa nasud sa United Kingdom ug Republic of Ireland.

Matud pa sa pahayag ni Department of Labor and Employment (DOLE) Kalihim Rosalinda Dimapilis-Baldoz, nanginahanglan og kinatibuk-ang 739 ka Filipino nurses ang nahisgotang mga nasud ug gi-awhag ang mga Pinoy nurses sa pag-apply.

Base kang Philippine Overseas Labor Office (POLO) officer-in-charge Esperanza Cobarrubias, apil sa 12 job orders ang mga bakanteng trabaho.

Gitambagan ang mga interesadong mo-apply sa UK ug Ireland nga mangandam alang sa ipahigayong proseso aron maka-trabaho didto.

Kinahanglan sa mga aplikante nga makaparehistro sa Nursing and Midwifery Council (NMC) sa UK ug ipasar ang International English Language Testing System (IELTS) sa eskor nga 7.0.

Angay usab nga ipasar ang duha  ka parte sa competency examination nga gilangkoban sa multiple choice Computer-Based Test (CBT) ug Objective Structured Clinical Examination (OSCE).

Gitataw ni Baldoz nga ang makapasar lamang sa CBT ang mahimong kwalipikado alang sa OSCE ug mahatagan og unom ka buwan nga visit visa aron makasulod sa UK.

Samtang sa Ireland, kinahanglan lamang sa mga Pinoy nurses nga ipasar ang IELTS sa eskor nga 6.5 ug ipaubos sa nursing adaptation sa dili pa makaparehistro sa Irish Nursing ug Midwifery Board ug padayon nang makatrabaho isip registered nurse. (PIA)

No comments:

Post a Comment