450,000 listahan households, maka-benepisyo sa electrification program sa DOE

Milagda og usa ka memorandum of agreement ang Department of Social Welfare and Development (DSWD) uban sa Department of Energy (DOE) alang sa panagtambayayong sa implementasyon sa proyektong National Intensification of Household Electrification (NIHE).

 Ang NIHE usa  ka proyektong nagtinguha sa paghatag og serbisyong elektrisidad ngadto sa mga kabos nga pamilyang walay akses sa sugang dagitab.

Kining inisyatiba sa DOE agi og pagsunod sa implementasyon sa ilang National Intensification of Household Electrification (HEDP), nga nagtinguhang makab-ot ang 90% household electrification sa tuig 2017.

Isip partner agency, ang DSWD mohatag og listahan sa potensiyal household beneficiary alang sa proyekto sa NIHE gamit ang Listahan o ang National Household Targeting System for Poverty Reduction (NHTS-PR).

Base sa 2011 nga datos sa Listahan, di mo-ubos sa 2.6 milyong kabos nga pamilya sa tibuok nasud ang walay akses sa sugang dagitab. (PIA)