Pagtaas sa tuition, gipasabot sa Malakanyang

Walay nakitang iregularidad ang Malakanyang sa pag-aprubar sa Department of Education (DepEd) ug Commission on Higher Education (CHEd) sa  pagpasaka og tuition fee sa kapin sa usa  ka libong tunghaan sa umaabot nga pagbukas sa klase.

Gipasabot ni Presidential Communications Operations Office (PCOO) Kalihim Herminio Coloma Jr., nga ang pagpasaka sa DepEd ug CHEd sa tuition gigahin alang sa sweldo ug benepisyo sa mga magtutudlo apil na sa mga empleyado sa mga tunghaan.

Gitumbok pa ni Coloma nga ang dugang bayaran sa tuition sa mga tunghaan alang usab mahatagan og kahigayonan nga mapa-ugmad ang ilang mga pasilidad.

Giingong usa  sa kondisyon nga gihatag sa DepEd ug CHEd sa mga tag-iya og eskwelahan ang pagbaton og commitment nga isaka ang suholan ug mapalambo ang kahimtang sa mga magtutudlo aron makapasaka og tuition fee. (PIA)