Wednesday, May 13, 2015

Pamuhunan sa gobyerno ngadto sa mga serbisyong pantao nagbunga



Gipahinungod sa malakanyang ang resulta sa survey nga nagpakitang mi ubos ang kadaghanon sa mga pamilyang Pilipino nga nakasinati ug kagutom sa nakalabay nga tulo ka bulan ngadto sa  inisyatibo sa gobyerno sama sa Pantawid Pamilyang Pilipino Program ug pagpalapad sa PhilHealth coverage, gi ingon nga ang pamuhunan sa kasamtangang administrasyon diha sa social services ang nagbunga.

“Ang kaayohan sa katawhang Pilipino  sa kanunay maoy nag una ug sentro sa administrasyong  Aquino. Ilalom sa “Tuwid na Daan,” nagkalain-laing mga ahensiya sama sa Department of Social Welfare and Development, Department of Education, ug Department of Health ang padayon sa pagpangita ug mga inisyatibo sama sa Pantawid Pamilyang Pilipino Program, ang K to 12 ang pagreporma sa basic education, ug ang pagpalapad sa PhilHealth coverage,”  kini sumala giluwatang pahayag ni Presidential Spokesperson Edwin Lacierdaniadtong adlawng martes.

Ang survey sa Social Weather Stations (SWS) nga gipahigayon niadtong Marso 20 ngadto 23 sa 1,200 ka mga respondents sa tibouk nasud, nagpakita nga 13.5 porsyento, o ang gibana-banaang 3 milyones ka mga pamilya, nakasinati ug gitawag nga ‘involuntary hunger’ sa labing menos makausa sa milabay nga tulo ka bulan.  

Gi hubit sa SWS ang gi tawag nga “involuntary hunger” ingon nga mga walay makaon sa labing menos makausa sa milabay nga tulo ka bulan. (etf/PIA)

No comments:

Post a Comment