USAID gisugdan na ang Construction sa 8 GEM Program Infra-Projects nga gihatag sa Comval

Compostela Valley Province-----Gisugdan na karon sa United States Agency for International Cooperation (USAID) ang construction sa ilang 8 ka Growth with Equity in Mindanao (GEM) Program Infrastructure Projects nga gitunol sa probinsiya sa Compostela Valley, ug mismong sila si Gov. Arturo “Chiongkee” Uy, USAID-Philippines  Mission Director Gloria Steele ug mga dagkong opisyal sa USAID maoy nanguna sa gihimong ceremonial ground breaking sa tukoron nilang Trading Center diha sa Poblacion Compostela niadtong Hunyo 14, 2013.

Apan sa wala pa ang ground-breaking ceremony sa Compostela nangadto usa sila sa Cabinuangan Elementary School sa New Bataan aron sa pag turn-over sa gipanghatag nilang armchairs, teacher’s tables and chairs, ug sa  liboang school bags nga gisudlan sa lain-laing school supplies sama sa notebooks, lapis, krayola, mga papel, ug uban pa ngadto sa mga kabataan.

Ilang kauban ang Chief of Staff sa DepEd Central Office nga si Asisstant Secretary Reynaldo Antonio Laguda sa pagturn-over niini ngadto sa mga kabataan, sa mga magtutudlo, ug sa ilang School Principal nga si Mr. Marcelino Delos Reyes.

Human sa malampusong turn-over ceremony sa New Bataan sila milahos sa Poblacion Compostela, ug sa ilang pag-abot didto gisugdan dayon ang ceremonial ground breaking alang sa pagatukurong Trading Center sa lungsod.  Maoy ilang kauban nga nangulo niini ang magtiayong Mayor Elect Lima Bolo ug Mayor Jessie Bolo.

Gitug-an ni GEM Program Projects Coordinator Florentino G. Go, Jr. nga karong tuiga adunay walo ka Infrastructure Projects ang USAID sa ComVal ilalom sa ilang Growth with Equity in Mindanao (GEM) Program, ug maoy gusto sa USAID nga mahuman ang Construction niining mga proyektoha sa dila pa matapos ang Agosto 2013.

Tulo matud pa niining mga proyektoha diha sa Monkayo, ug kini mao ang Sitio Mahayahay Brgy. Bridge Repair sa Brgy. Baylo; ang Purok Duranta Brgy. Bridge Repair sa Brgy. Union; ug ang  Sitio Santol Brgy. Bridge Repair sa Brgy. Salvacion. Duna sad silay duha ka mga proyekto diha sa Compostela nga mao ang Overflow (Spillway) Structure Rehabilitation sa Brgy. Ngan ug ang gisugdan na nilang Trading Center sa Brgy. Poblacion.

Ang laing tulo mao ang Trading Center diha sa Brgy. Aguinaldo, Laak;   ang himoong Brgy. Bridge Construction diha sa Brgy. Panag, New Bataan; ug ang Construction sa Lebanon-San Jose Bridge diha sa Montevista. (gilbert m. cabahug, ids-comval)