By SARX LANOS
TAGUM CITY (IPID News) – Ang mga nagkalainlaing produkto nga hinimo sa lumad sama sa uway nga bag ug daghan pang uban mao ang halinon kaayo nga mga baligya nga gidisple didto sa Capitol Sports Complex sa Barangay Mankilam, dinhi nga ciudad.
Ang mao nga produkto didto gayud gihimo sa mga lumad sa ilang gidisplehan ug personal nga makita gayud kung gi-unsa sa paghimo.
Ang paghimo sa mga lumad sa mao nga mga produkto sugod Hunyo 24 hangtod Hulyo 1, 2013 atol sa pagsaulog sa Kadagayaan Festival sa ika 46 nga Araw ng Davao del Norte gihimo kini isip Livelihood Assistance alang sa katawhang lumad sa Probinsya nga kabahin sa Alternative Learning System nga programang edukasyon para sa mga lumad sa probinsya.
Ang programang edukasyon ug livelihood alang sa mga lumad gidumala sa mga ALS Instructional Managers nga sila Melllie Lanos, Virginia Gamutan, Lilibeth Wahing-Sumaliday, Delia Bermoy, Renante Manlangan, Rommie Damloy, ug Merlinda Ladion.
Daghan usab ang mga produkto nga hinimo sulod sa probinsya nga gibaligya atoll sa pagsaulog sa Araw ng DavNor 2013 nga barato lamang kaayo lakip na niini ang mga hayop, isda, gulay, lagotmon, mga semelya sa tanom, organikong mga abono ug pamatay insektos ug daghan pang uban. (Sarx Lanos/IPID News).
No comments:
Post a Comment