OIC High Level Partnership Mission Delegates mibisita sa Comval

Aron personal nilang masayran ang kasamtangang kahimtang sa mga katawhang Comvaleño nga padayon pa gihapong nag-antus sa kawad-on ug grabeng kalisud human maigo ang ilang lugar sa  Supertyphoon Pablo nga giilang usa sa pinakangilngig nga bagyo sa kalibutan, mibisita karon sa probinsiya sa Compostela Valley ang gipadalang High Level Partnership Mission Delegates sa Organization of Islamic Cooperation (OIC). Maoy ilang kauban sa gihimong pagbisita ang mga dagkong opisyal sa United Nations  Office of the Coordination of Humanitarian Affairs (UN-OCHA).

Pipila sa mga labing importanteng bisita nga miabot sa kapitolyo niadtong Hunyo17,2013) sila si Mr. Tariq Al Ansar nga maoy Chef de Cabinet sa Alliance of Civilizations; si  Ministry of Foreign Affairs Asia Dept. Counselor Salem Al Hamdan sa Kuwait; si  National Security Council Deputy Secretary Ogu Salim Bin Omar sa Malaysia; ang Response Department Head sa nasud Turkey nga mao si Erkan Doganay; ang Deputy Head of Mission ug 1^st Secretary and Head of Political and Islamic Section sa embahada sa Kingdom of Saudi Arabia nga si Mr. Abdulelah Aljebreen; ug ang Assistant Head of Political and Islamic Sections sa Kingdom of Saudi Arabia Embassy nga si Mr. Amer Hadji Noor.

Kauban usab sa miabot nga mga bisita ang mga taga United Arab Emirates(UAE) nga sila Ambassador Moosa Abdulwahid Alkajah ug Mr. Zacariah Hassan sa UAE Embassy Political Section; si International Isalmic Charity Organization(ICO) Director-General Othman Al Haj;

Si Mr. Abdullah Kabe nga maoy Professional Officer sa Organization of Islamic Cooperation(OIC); ug ang Head of East Asia Swiss Agency for Development Cooperation nga si Mr. Alain Roger Pasche sa Switzerland.

Ang mga bisita miabot sa kapitolyo sa alas 10:50 sa buntag, ug sa ilang paghiabot sila gisugat sa usa ka grand welcome sa Capitol Employees ug sa mga dagkong opsiyal sa probinsiya.

Sa iyang paghatag ug welcome message gisulti ni Gov. Uy nga sa unang semana human sa bagyo naluya gyod siya tungod sa dili tiawng kadaot nga nahatag niini ngadto sa mga kaatwhang Comvaleño. Apan tungod sa daghang mga mitabang subling misanag ang usa ka dakong paglaom nga maoy naghatag kaniya ug igong kusog ug kadasig nga mahimo ang tanang mga pamaagi nga maatiman ang mga katawhan.

Subli usab niyang gipasalamatan ang International Community, ang National nga gobyerno, ang mga local donors, ang silingang LGUs, NGOs, ug ang tanang mga mitabang sa probinsiya tungod dako sila’g natampo sa gitinguhang early recovery sa mga katawhang biktima sa bagyo. Gisulti usab sa goerbandor nga tungod grabe gyod kadako ang nahatag nga kadaot sa milabayng bagyo  mao nga hangtud karon  gikinahanglan pa gyod sa probinsiya ang tabang gikan sa ubang donors.

Human sa kapitolyo, mideretso ang grupo sa New Bataan partikular sa “ground Zero” Barangay Andap, Anap National High School, Pampanga Bunkhouses ug permanent shelters alang sa site visits. (gilbert cabahug/ids comval) 

https://www.facebook.com/notes/pia-davao/soldiers-in-pursuit-as-rebels-abduct-five-soldiers-anew-in-paquibato-district/199103800244213