Thursday, June 27, 2013

ComVal Capitol Employees gitanom ang 3,000 punoan sa kahoy atol sa Arbor Day

by Gilbert M. Cabahug

Luyo sa kusog nga bunok sa ulan milampos gihapon ang tibuok probinsiya sa Compostela Valley sa pagtanom sa liboang punoan sa mga kahoy diha sa lain-laing mga lugar sa onse ka mga lungsod.  Kini  atol sa gihimong pagduyog sa probinsiya sa gihimong pagselebrar sa kauluhan sa National Arbor Day niadtong Hunyo 25, 2013, nga diin maoy nangulo sila si Governor Arturo “Chiongkee” Uy ug ang onse ka mga Municipal Mayors sa usa ka adlaw’ng selebrasyon.

Synchronized ang gihimong Tree Planting Activity sa tibuok Probinsiya, ug ang mga empleyado sa Kapitolyo diha nagtanom ug kahoy sa Lamdag Agro-Eco-Tourism Complex sa Pasian, Monkayo.  Si Governor Uy gihapon  maoy nangulo kanila nianang sayo sa buntag, nga bisan sa kusog kayo ang pagbunok sa ulan, milampos gihapon sila pagtanom sa mokabat 3,000 ka punoan sa mga kahoy’ng Lauan, Mahogany, ug Acacia Mangium.

Gitug-an ni Environment and Natural Resources Division (ENRD) Chief Mr. Eugene Alaba sa PAGRO, nga miapil gayud sa malampusong Tree Planting Activity ang 20 ka mga opisina sa kapitolyo ug diha sila nananom ug kahoy sa mga kilid sa karsada sulod sa Compound sa Agro-Eco-Tourism Complex sa ComVal.  (Gilbert M. Cabahug, ids-comval)

No comments:

Post a Comment