San Miguel E.S. sa Compostela gitukoran ug 6 classrooms sa San Miguel-Petron

by Gilbert M. Cabahug

COMPOSTELA VALLEY PROVINCE-----Unom gayud ka school-buildings ang gitukod sa Petron Foundation diha sa San Miguel Elementary School sa Brgy. San Miguel sa lungsod sa Compostela, ug matud ni Governor Arturo “Chiongkee” Uy nga nahuman na ang 1-unit 4 classroom-building nga unang natukod ug ila na kining gi-turn-over sa eskwelahan niadtong Hunyo 18, 2013.

Samtang gisugdan na sad pagtukod sa Petron ang laing 1-Unit 2 Classroom Building nga maoy ilang commitment sa “Akbay, Gabay, Aruga tungo sa Pag-Angat at Pag-Asa” kun AGAPP-Silid Pangarap Foundation ni Presidential Sister Pinky Aquino Abellada diha gihapon sa San Miguel Elementary School.

Sama sa nahitabo sa Corazon C. Aquino High School sa Brgy. Osmeña nga gitukuran ug 1 Unit 6-Classroom Building sa “The Philippine Star,” gitug-an ni Gov. Uy nga ang mga kadagkuan sa Petron nagsulti kaniya nga sa pag-identify sa mamahimong beneficiary sa tukoron nilang School Buildings sa ComVal, ang management nagpili sa San Miguel Elementary School tungod kapangalan kini sa bag-ong tag-iya sa Petron nga mao ang San Miguel Corporation.

Kahibaloan ng ang bag-o gimugnang Corazon C. Aquino High School diha sa Sitio Baclog sa Brgy. Osmeña, Compostela mao sad ang gipiling tukoran sa  usa ka Unit nga 6-room building sa “Star Group of Publication” tungod suod nga higala ni kanhi President Corazon Aquino si Betty Go-Belmonte nga maoy Founder sa The Phil. Star.

Si Betty Go Belmonte maoy asawa ni Cong. Feliciano Belmonte ug inahan ni Mr. Miguel Belmonte nga maoy Presidente ug CEO sa Star Group of Publication nga diin ang mga kompanyang sakop niini naglangkob sa The Philippine Star; Philippine Star Ngayon; PM-Pang Masa; ug sa Filipino Star Printing Corporation. (Gilbert m. Cabahug, ids-comval)