Manat Schools nag-una sa Agri-Pinoy Gulayan sa Paaralan Program

by Grace Almedilla

COMPOSTELA VALLEY PROVINCE-----Duha ka eskwelahan sa Brgy. Manat sa Nabunturan ang nag-una sa mga gipasidunggan kalabot sa Agri-Pinoy Gulayan sa Paaralan Program.  Kini mao ang Manat Central Elementary School nga usa ka Regional Awardee ug nahimong Provincial Grand Slam Winner sa ComVal.  Nagsunod ang Manat National High School nga mao ang 2nd Placer.  Gisundan usab kini sa Mawab Central Elementary School sa 3rd Place, ug Corazon Aquino National High School sa Compostela nga nakakuha sa 4th Place.

Gipahigayon ang Provincial Awarding atol sa Employees Convocation sa Kapitolyo niadtong Enero 13, 2013 sa pagpanguna nila ni Provincial Administrator Virgilia S. Allones ug Executive Assistant IV Isabelo L. Melendres.  Nakadawat ang mga awardees ug Plaque of Recognition ug cash prizes.

Ang Agri-Pinoy Gulayan sa Paaralan Program usa ka programa sa Department of Agriculture (DA) katambayayong ang Department of Education (DepEd) aron sa pag-aghat sa mga kabataan unsa ka importante ang pagtikad aron makaani ug presko, puno sa bitamina, ug abunda nga mga pagkaon para sa komunidad.  (grace almedilla, ids-comval)