by Grace Almedilla
COMPOSTELA VALLEY PROVINCE-----Laing 200 ka mga pamilyang Comvalenyo nga nawad-an ug balay tungod biktima sa bagyong Pablo ang nahatagan ug transitional shelters ilabi na sa lungsod sa Monkayo gikan sa Philippine Red Cross (PRC).
The ceremonial turn-over gipahigayon sa Barangay Macopa Gymnasium niadtong Enero 9, 2014 sa pagpanguna ni Governor Arturo T. Uy ug Mayor Joselito Brillantes. Gitambongan usab kini nila ni PRC Chairman Richard Gordon, PRC Secretary General Gwendolyn Pang, European Ambassador Guy Ledoux, Spanish delegation, ug uban pang mga bisita.
Adunay upat (4) ka mga barangays ang midawat sa maong mga balay nga mao ang: Macopa (52 units); Naboc (62 units); Mamunga (50 units) and; San Isidro (36 units).
Mapasalamaton ug daku si Governor Uy ug Mayor Brillantes ngadto sa Philippine Red Cross ug sa tanang mga humanitarian partners nga padayon nga nisuporta sa rebuilding efforts sa probinsya. (grace almedilla, ids-comval)
No comments:
Post a Comment