Monday, June 27, 2016

Reorganisasyon sa Communications Group, ipatuman sa administrasyong Duterte



Gitakdang magpatuman og reorganisasyon ang Duterte administration sa Communications Group sa Malakanyang.

 Gibutyag ni incoming Presidential Communications Office (PCO) Kalihim Martin Andanar nga ang kasamtangang Presidential Communications Operations Office (PCOO) himuon nang PCO samtang ang Presidential Communications Development and Strategic Planning Office (PCDSPO) ipa-ubos na sa PCO ug himuong Strategic Communications Division.

Giingong tuyo niining tarungon ang set-up aron usa  ka opisina na lang ang mo-report kang incoming President Rodrigo Duterte.

Hasta usab ang administrative work sa presidential spokesman, i-agi na usab sa iyang opisina aron dili na mahimong gubot ang sistema.

Matud pa ni Andanar, ang presidential spokesman ipa-ubos na usab sa PCO ug siya na lamang ang mo-report sa Presidente o sa gabinete.

Si Andanar mosulti na usab sa press briefings kauban ni incoming Presidential Spokesman Ernesto Abella. (PIA)

No comments:

Post a Comment