Monday, May 26, 2014

Barangay sta. Cruz nagpahigayon ni disaster and rescue training

Ni: mark anthony g. Gellor/erwin cubio – cio panabo

Poto ni: genesis cataluña

Aron andam ang matag barangay sa pagresponde sa kalamidad, ang City Disaster Risk Reduction Management Office nagpahigayon ug disaster and rescue training sa mga lumulopyo sa barangay sta. Cruz kaniadtong mayo 22 ning kasamtangang tuig.

Kapin 60 ka partisipantes ang mitambong aron maka tuoon sa mga bag-o ug bisiko nga pamaagi sa pagtabang biktima ug paglikay sa disgrasya ilabi na kung may baha o linog nga mahitabo. Gi tudloan ni Roland Madjos, taga CDRRMO, ang flood and earthquake drill kung diin magamit kini sa taga Sta. Cruz . Base sa mga balita, ang baha ug linog  permiti nga masinati sa ubang lugar ilabi na duol  sa suba og kabukiran.

Gipaabot ni Executive Secretary Jovito Glodo ang mensahe ni Mayor Jose L. Silvosa, Sr. nga naga engganyo sa mga taga Barangay Sta. Cruz nga kinahanglan preparado ang tanan sa mga buhaton matag adlaw ilabi na kung nay kalamidad nga mo abot.

Naminaw una ang mga partisipantes sa seminar kung diin ang bisiko nga buluhaton kung nay kalamidan. Gi andaman usab sa taga CDRRMO ug notebook ug bolpen aron dili na mahago ang mga partisipantes. Pagkahapon nagpahigayon ug aktwal nga training kung unsaon pag resolba ang mga problema atubangon kung may kalamidad.

Sa kasamtangan nakakab-ot na sa 95% nga estado sa equipments. Mao kini ang pagamiton sa panahon sa baha, bagyo, linog ug landslide. Ang kapasidad sa cdrrmo gilangkoban usab ka tulo ka ambolansya, usa ka rescue vehicle, duha ka rubber boats, usa ka fiber plastic boat.

No comments:

Post a Comment