Tuesday, March 18, 2014

Montevista Council of Women nanghawod sa Women’s Fiesta. Nagsunod, Maco ug Nabunturan

by Gilbert M. Cabahug

COMPOSTELA VALLEY PROVINCE-----Ang Montevista Council of Women (MCOW) maoy nanghawod sa bag-o nahumang Women’s Fiesta pinaagi sa pagsakmit sa daghang mga kadaugan sa gihimong friendly competitions nga gisalmotan sa mga kababayen-an sa 11 ka mga lungsod. Nagsunod kanila  ang mga lungsod sa Maco ug ang mga taga Nabunturan.

Sa pagsaulog sa probinsiya sa Compostela Valley sa iyang 16th Founding Anniversary ug Culmination Day sa 7th Bulawan Festival niadtong Marso 8, 2014, kini miduyog sa pagsaulog usab sa International Women’s Day pinaagi sa pagpahinungod sa tanang mga kalihukan ngadto sa mga kababayen-an.

Ilalom sa pagdumala sa Compostela Valley Province Council of Women (CVP-COW) sa pagpanguna nila ni Congresswoman Maria Carmen Zamora, ComVal 1st Lady Madam Eunese Uy- Honorary Chair ug Mayor Lema Bolo ang ilang Presidente, ang tibuok kapitolyo gipuno sa naglanog-lanog nga mga katawa ug hudyaka sa mga katawhang misaksi sa mga kababayen-an gikan sa onse ka mga lungsod nga malipayong nag-engkwentro sa lain-laing mga friendly competitions sa Best Bressed Booth, sayaw, luto, ug mga larong Pinoy.

Sa Dance Competition, ang Montevista Council of Women maoy nahimong 1st Prize Winner sa Folk Dance.  Samtang, ilang gipakyaw ang mga dagkung premyo sa Best Dressed Booth Competition ingon nga maoy 1st Prize Winner sa kategoryang Most Creative Booth, 1st Prize Winner sa kategoryang Most Cost Efficient Booth, ug 2nd Prize Winner sa kategoryang Most Unique Booth.

Ang mga taga-Maco maoy 1st Prize Winner sa kategoryang Most Unique Booth, 2nd Prize Winner sa kategoryang Most Creative Booth ug 2nd Prize winner sa kategoryang Most Cost Efficient Booth. Sila usab ang 2nd Prize Winner sa Cooking Competition nga diin ang Maragusan ang 1st Prize Winner pinaagi sa lami kaayo nilang putahe nga “Veggie Nuggets.”              

Ang mga taga-Nabunturan maoy 1st Prize winner sa Dance 80’s Category, 1st Prize winner sa dulang Fan the fish, 3rd prize winner sa Cooking ug 3rd placer sa tanang kategorya sa Booth Contest.

Taga Mawab sad maoy 1st Prize Winner sa Dance Novelty Category ug sa Maria Went to Capitol. Samtang, taga-Pantukan mao ang 1st Prize winner sa Karang-Karang.  (gilbert m. cabahug, ids-comval)

No comments:

Post a Comment