COMPOSTELA VALLEY PROVINCE-----Gihatag na sa Malacañang ang mokabat P62,060,000.00 nga gisaad ni Presidente Benigno S. Aquino III nga ihatag sa probinsiya sa Compostela Valley aron gamiton ni Governor Arturo “Chiongkee” Uy sa nagpadayong Shelter Assistance Program sa probinsiya. Ang maong pundo nagagikan sa Department of Social Welfare and Development kun DSWD.
Gitug-an ni Shelter Cluster Lead PGSO Chief Arceli Timogtimog nga ang P50,560,000.00 nagagikan sa Emergency Shelter Assistance Program (ESAP) sa DSWD, ug maoy pagahatagan sa probinsiya niini kadtong Typhoon Pablo Victims nga Partially Damaged ang ilang mga balay. 10,000.00 nga kantidad sa “Emergency Shelter Kit” ang ihatag sa kada pamilya, ug ang matag shelter kit dunay mga sulod nga 10’ Gauge 26 Corrugated G.I Sheets; Coco Lumber Materials; Plywood; lain-laing klase sa mga lansang; ug carpentry tools sama sa mga gabas, martilyo, ug uban pa.
Samtang ang laing P11.5 milyones nagagikan usab sa “Core Shelter Assistance Program” (CSAP) sa DSWD gihapon, ug kining kwartaha maoy gamiton sa pagatukurong Modified Houses sa probinsiya aron papuy-an sa Typhoon Pablo Victims nga totally damaged ang ilang mga balay human maigo sa grabeng pagkuso-kuso sa milabay’ng bagyo.
Niadtong Mayo 2, 2013 malipayong gitunol ni DSWD Sec. Dinky Soliman pinaagi ni DSWD Region XI Dir. Prescilla N. Razon ang tseke nga mokabat P62,060,000.00 ngadto kang Gov. Uy atol sa gihimong Ceremonial Turnover diha sa Social Hall sa Kapitolyo. Kauban ni Gov. Uy nga midawat sa maong tseke si Cong. Maricar Zamora ug ang mga dagkong opisyal sa probinsiya. (Gilbert M. Cabahug, ids-comval)
No comments:
Post a Comment