Bisan wa pa nahuman ang inihapay giproklamar nang daug sa COMELEC sa Mayo 13,2013 election sila si Gov. Arturo “Chiongkee” Uy, Congw. Maricar Zamora, ug Cong. Rommel “Bobong” Amatong niadtong Mayo 16 tungod wala silay kontra.
Human sa gihimong “Lowering of Threshold of Canvassing” nga gihimo sa Provincial Board of Canvassers (PBOC) sa pagpanguna ni COMELEC Provincial Election Supervisor Atty. Jennifer Ponpon Ancla subay ang Resolution no. 9700, nasuta nga sila angayan na gyod nga iproklamar nga nagmadaugon sa Mayo 13,2013 Election.
Sa gihimong proclaimation of winners sa Provincial Board of Canvassers (PBOC) pormal nga gideklarang daug sa Mayo 13,2013 election sila si Gov. Uy nga nakakuha’g boto nga 188,598 sa partial official result; si 1stDistrict Congw. Maricar Zamora sa boto nga 72,881 sa partial official result; ug 1st District Cong. Rommel Bubong Amatong nga nakakuha’g boto nga 122,779 sa Final Official Result.
Human usab sa gihimong “Lowering of Threshold of Canvassing” nasayran nga dili na gyod maapsan ang boto ni kanhi 1st District Cong. Manuel “Way Kurat” Zamora nga sa Partial Official Count pa lang ang iyang boto miabot na sa 149,410. Hinungdan nga siya usab giproklamar na sa COMELEC nga nagmadaugon sa pagka-bise gobernador sa Compostela Valley.
Dungan kanila giproklamar usab niadtong adlawa sa COMELEC ang mga mananaug sa Sangguniang Panlalawigan Members sa ikaduhang distrito nga sila si Tyron Uy nga nakakuha ug kinatas-ang boto nga 94,313 sa Final Official Result sa inihapay. Nagsunod kaniya si SP Member Atty. Ruwell Peter Gonzaga sa boto nga 88,602; ug sila SP Members Cesar Richa – 79,602 votes, Moran Takasan – 73,367 votes, ug Macario Humol-69,766 votes. (gilbert cabahug/ids comval)
No comments:
Post a Comment