ni Noel Baguio
Nalipay kaayo ang mga mag-uumang lumad sa Barangay Dagohoy, Talaingod, Davao del Norte tungud sa kaayuhan ug kabag-ohan nga dalit kanila sa bag-ong dalan ug tulay nga gikan sa Mindanao Rural Development Program (MRDP 2).
Sulti ni Barangay Councilor Jun Katwa, usa ka miyembro sa Ata-Manobo Tribe, nga ang 2-km Dagohoy, Talaingod-Semong Kapalong farm-to-market road (FMR) with a 36-linear meter RCDG bridge component, nga nagkantidad ug P10 milyones, mipalambu sa ilang kinabuhi.
Nagkanayon si Katwa nga lisod ang ilang kahimtang sa wa pa ang proyekto kay naglisod sila ug hatud sa ilang mga produkto sa merkado. Gawas nga daot na ang dalan, dili pa jud kini maagian sa panahon nga motaas ang tubig sa suba.
Bisan mas lisod, mo-agi gihapon sila sa maong dalan gumikan kay mas duol kini ug dul-an 10 kilometros kaysa didto sila agi sa Barangay Sto. Niño.
“Daghan jung salamat tungud kay mas duol na ug namenosan jud ang among pamilite sa paghatud sa among mga produkto ngadtos palengke,” ingon ni Katwa.
Butyag pa niya nga pagkakaron ang pakyaw sa motor gikan Sitio Paiton padulong sa palengke sa Kapalong P300 na lang kung itandi sa P500 kaniadto.
“Daghan na mi mapalit nga ubang panginahanglanon sa among madaginot,” sulti niini.
Gipangunahan ni Gov. Rodolfo del Rosario ang paglunsad sa maong proyekto, kauban sila Vice Gov. Victorio Suaybaguio, Board Members Atty. Joey Raymund Millan, Antonio Lagunsad, and Shirley Belen Aala, Kapalong Mayor Edgardo Timbol, Talaingod Mayor Basilio Libayao and 60 IB Commander Col. Llewelyn Binasoy.
No comments:
Post a Comment