UP Professor: Specific needs by gender panegurohon sa pag-implementar sa GAD Program

Compostela Valley Province – Ang Specific needs by gender-sa sector sa mga kabayen-an, sa mga kabataan, ug sa mga kalalakin-an panegurohon nga mahatag panahon sa pagbubo sa lain-laing klase sa serbisyo sa mga katawhan ilalom sa lain-laing mga kalihokan, mga programa,  ug proyekto nga iimplementar sa gobyerno.

Kini ang pipila sa mga mahinungdanong tips gikan ni UP Professor Lourdes Marina  Padilla-Espenido - GAD Training Director sa Women’s Education Development Productivity and Research Organization (WEDPRO). Kini atol sa gihimong “Training Needs Assesment sa Gender and Development (GAD) Program” nga gitutokan karon sa probinsiya aron maseguro ang maayong implementasyon sa gender sensitivity pinaagi sa pagamugnaong Provincial Gender Code.

Ang maong kalihokan maoy kabahin sa gihimong pagpangandam sa lima ka adlawng Training ug Capability Building sa natudlong mga personahe nga pagatahasan sa paghimo’g mga pagtuon, sa pag-andam, ug sa paghikay sa mga mahinungdanong datos, mga material, ug uban pang mga mapuslanong kasayuran nga magamit sa pagamugnaong  Provincial Gender Code sa Comval.

Ang 5 ka adlawng training libreng gitunol sa probinsiya, ug sa mga partner  nga mao ang United Nations Population Fund (UNFPA) ug ang WEDPRO. Kini pagahimoon sa Septyembre 2012, ug moapil niini ang walo ka mga opisyal ug miyembro sa Provincial GAD Committee, ang 11 ka Municipal GAD Focal Person, laing lima nga magrepresentar sa 5 ka Civil Society Organization, ang GAD Technical Working Group (TWG) ug ang GAD Secretariat sa probinsiya.

Gipasabot ni Professor Espenido nga sa pag formulate sa GAD Plan panegurohon gyod nga maapil sa ginahatag nga serbisyo sa gobyerno ilalom sa lain-laing mga programa ug proyekto ang specific needs sa mga babaye, sa mga lalaki ug sa mga kabataan.

Kini tungod kay ang nag-unang tumong sa Gender and Development (GAD) Program mao nga maseguro gyod nga mahatag sa tanang gender-sa kababayen-an, sa kalakin-an, ug sa kabataan ang lain-lain nilang mga panginahanglan labi na ang ilang gender needs panahon sa pagtunol sa mga mahinungdanong serbisyo sa mga katawhan. (gilbert cabahug/ids comval)