DAVAO Oriental – Nalipay pag-ayo si Gobernador Cora Malanyaon ug si OIC-ENRO Dante Ganir gumikan kay si Romeo Calig-onan Malintad nagdonar ug 2000 ka semelyang kahoy nga Mahogany, dili pa dugay, nga andam na gayud ipangtanom.
Si Romy Calig-onan Malintad nga tag-iya sa KROPNATURE Enterprises nga ang opisina nahimutang sa Crossing Tamia, Don Martin Marundan ug ang iyang nusery nahimutang sa Crossing Highway-Old LTO, Madang, tanan sakop sa Mati City, siya nag-ingon nga ang mao nga semelya iyang gidonar isip suporta sa espesyal nga proyekto ni Gob Cora Malanyaon nga mao ang Million Trees Movement of Davao Oriental.
Ang nursery ni Romeo Malintad alyas King Romeo adunay nagkalainlaing klase sa semelyang prutas ug kahoy nga ibaligya ug andam na ipangtanom sama sa mga maayo ug espesyal nga klase sa Durian, Lanzones, Mangosteen, Pomelo, Rambutan, Kalamansi ug Mangga.
Ang mga semelyang kahoy naglangkob sa lainlaing klase sa Lawaan, Mahogany, Narra, Molave, Kape, Cacao, Goma, ug uban pa.
Dugang sulti ni Malintad nga ang KROPNATURE nga nagkahulogan ug King ROmeo Plants Nursery & Agri Trade Upland REsourses andam kini modeliver sa mga order nga semelya bisan asa nga dapit sulod sa Rehiyon XI ug sa mga kasikbit nga dapit dinhi sa Mindanao.
Matud pa ni Malintad nga sa dihang nagkita sila ni Divina Albuena nga empleyado sa ENRO-DavOr, mao kadto ang panahon nga nakahukom siya sa pagdonar ug mga semelyang Mahogany.
Ang opisina sa KROPNATURE Enterprises makontak pinaagi sa Mobile Phone Nos.: 0949-943-0287 ug 0916-485-7046. (Sarx Lanos/IPID News Service, Inc)
No comments:
Post a Comment