DepEd-Comval Tamondong: School Build usa sa pinakamaayong learning experience sa mga kabataan

Usa sa pinakamaayong learning experience sa mga kabataan sa Compostela Valley mao ang nagapadayong School Build kon pagtukod ug mga School Buildings the GK Way ilalom sa “Kalinga sa Kabataan bayanihan sa Paaralan Program ni Gov. Arturo “Chiongkee” Uy, ug matud ni SDS Dr. Feliciano Tamondong nga naglisud gyod unta ang DepEd sa pagtubag sa dakong kakulang sa clasroom, mga lingkoranan, ug sa uban pang school facilities labi na nga gisugdan na sa kauluhan pag-implemtar ang K+12 ni P-Noy. Apan bisan pa niini sila inspirado gihapon sa ilang trabaho tungod sa dakong tabang nga gitunol kanila sa probinsiya.

Si Schools Division Superintendent (SDS) Dr. Tamondong maoy usa sa mga mihatag ug mensahe sa diha nga gisugdan pagtukod ang 1 classroom building sa Manat National High School Annex sa Brgy. Cabidianan, Nabunturan atol sa gihimong Ceremonial Kick-Off sa Bayannihan Build niadtong Hulyo10,2012 sa buntag.

Matud ni Executive Assistant Raul Timogtimog-USWAG-GK Coordinator, nga ilalom sa “Kalinga sa Kabataan Bayannihan sa Paaralan Program” ni Gov. Uy dunay pito lang ka mga Skilled Workers nga maoy gi-sweldohan sa probinsiya. Ang ubang mga trabahoon bulontaryong gitunol sa mga katawhan diha sa komyunidad.

Ang gitabangan ug tukod nga school buiilding diha sa Brgy. Cabidianan maoy kauban sa 17 ka classroom nga gisugdan karon pagtukod sa probinsiya panahon sa usa ka semanang nagsunod-sunod nga ceremonial kick-off.

Niadtong Hulyo 9 mao ang Ceremonial Kick-off sa 6 classroom building sa Panganason E.S. sa Sitio Lumanggang, Kingking Pantukan, ug Hulyo 10 gisugdan sad pagtukod ang 1 Classrom Building sa Brgy. Cabidianan sa Nabunturan ug ang 2 Classroom Building sa Coronobe E.S. sa Maragusan. Sa Hulyo 11 ang gisugdan pagtukod mao ang usa ka H.E. Building sa Bagongon E.S. sa Compostela ug ang 2 Classroom Building sa Brgy. Banlag, Monkayo.

Ang 2 classroom Building sa San Antponio High School sa Laak ug ang 1 Classroom Building sa Mayaon H.S. sa Montevista maoy gisugdan pagtukod niadtong Hulyo12, ug sa Hulyo 13 maoy gisugdan pagtukod ang 1 classroom building sa Bucana E.S. sa Maco ug laing 1 Classroom Building sa Camanlangan National High School Annex sa Brgy. Tandawan, New Bataan.

Karong Hulyo 23 sugdan sad sa probinsiya ilalom sa maong programa ang pag-repair sa 3 Classroom Building diha sa Gayab Elementary School, Brgy. Libay-libay, Maco. Tabangan gihapon sa mga katawhan ang labor component niining proyektoha. (gilbert cabahug/ids comval)