PINTATAGAN, Banaybanay, DavOr – Bisan pa man kulang sa tulog sa pagbantay sa checkpoint adlaw ug gabii, apan ang mga kawani sa kagamhanan sa Probinsya sa Davao Oriental sa buhatan sa Environment and Natural Resources Office (ENRO) naghatag gihapon sa higayon sa pagtanom ug mga kahoy.
Sa niaging semana, 100 ang dugang natanom nga kahoy nga mahogany sulod sa Baltic Tree Park nga gitanom nila Sarx Lanos, Jonil Toroba, Eddie Antolin, Levy Semaña, Rolando Aharad uban sa paghinlo ug pagmintina sa mga tanom nga kahoy kilid sa highway gikan Welcome Tree Park padulong ngari sa Maputi.
Ang sulod sa Baltic Tree Park gimintina usab nila Elbany Deliquiado, Alben Garuda ug Joseph Francisco. Samtang ang mga sakop sa PCSU nga sila Larry Ibnohajan ug Titing Gadjali, hugot usab nga ni-ayuda sa magmintina sa mga tanom nga kahoy sa Pintatagan nga kabahin tanan sa programa ni Gobernador Malanyaon nga mao ang Million Trees Movement of Davao Oriental.
No comments:
Post a Comment