Upat ka mga bag-ong milyonaryo sa PSR taga Dabaw

DAVAO CITY, March 6 (PIA) – Aduna nay upat ka mga bag-ong milyonaryo nga taga dinhi sa Dabaw ang midaug sa Premyo Sa Resibo nga programa nga gipahigayon sa Bureau of Internal Revenue (BIR).

 

Si BIR District Collector Bella Bentulan nagpaklaro ngadto sa mga taga Dabaw nga media nga ang maong programa dili usa ka binuang ug nga kining maong programa sa pag ka matu-od nakapa bag-o sa kinabuhi sa kadaghanan nga mga Dabawenyos.

 

Ang mga nidaog nga mga entry sa Dabaw nakadaog sa unang ganti niadtong August 2006, August 2007, January 2009, ug ulahing nakadaog niadtong April 2009.

 

Dise nuebe usab ka mga entry gikan sa Dabaw ang midaug ug P5,000 ang matag usa kanila, ug duha niini ang nida-ug ug P100,000.

 

Gi-awhag karon ni Bentulan ang mga Dabawenyos sa pagsulay sa higayon aron maoy mamahimong sunod nga milyonaryo alang sa pagabuhatong binulan nga pag bunot sa maong  mananaog nga pagahimu-on sa SM City Events Center atol usab kini Sa Tax Campaign Kick Off nga nahitabo kagahapon.

 

Ang mga entry nga gipadala sukad sa bulan sa Pebrero 1 hangtod 29 ang mamahimo gihapon nga pagabunuton. Samtang ang , ang mga entry nga gipadala  sukad Marso 1 pagabulahon sa sunod bulan.

 

Ang maong opisyal sa BIR nagtambag ngadto sa mga partisipante nga isulat ug tipigan ang mga control number nga gipadala ngadto kanila human masumite ang ilang mga entry, kay kini mao usab ang ipangutana kung ang ilang mga tampo nga entry ang muda-ug unya sa maong pagbula niini.

 

Si Bentulan nagkanayon nga ang buhatan sa BIR walay datus kung pila na ka mga Dabawenyo ang niapil sa maong programa, apan makita kini pinaagi sa mga daghan na nga midaug nga kasagaran taga Dabaw, iya karon nga nahunahuna nga ubay-ubay na usab ang mga taga Dabaw ang nisalmot niini.

 

Alng sa pagsalmot, itxt ang PSR(space) Tin No. sa imong O.R. (asterisk) O.R. No. (asterisk) O.R. Amount (example: PSR 000356978768*12345*250) ug i-send sa 9777 (alang sa usa ka entry) o dili ba ngadto sa 9778 (alang sa daghang entry)

 

Ang Instant Premyo Sa Residbo (I-PSR) maoy usa ka insentibo ug ganti nga programa nga nagamit sa SMS kung diin ang matag entry adunay tsansa nga mudaug diha-diha dayon. Kini gihimo aron malagsik ang programa sa BIR nga “Premyo Sa Resibo” nga ang kasamtangan nga pamaagi sa maong dula mao ang paghatag sa bag-o ug kahinam nga paagi sa pag awhag sa mga kosumante sa pag pangayo ug sa resibo sa ilang gipamalit nga butang ug serbisyo. Ang maong instant play instant win nga konsepto sa sa maong dula maoy maka awhag sa pagsalmot sa maong dula. (PIA 11/Albert D. Cahilog)