DAVAO CITY, March 7 (PIA) – Sa kadaghan sa niapil nga mga travel ug tour operators karong tuiga sa Mega Travel Sale nga gipasi-ugdahan sa Davao Association of Tour Operators (DTAA) kini nagpakita lamang nga ang mga turista nagatu-o gihapon sa merkado sa turismo dinhi sa Dabaw.
Si DTAA President Krizia Tan nagsulti ngadto samedia nga adunay 60 ka mga tour operators nga nisalmot sa travel expo nga gipahigayonniadtomg march 2 hantod 4 diha sa Abreeza Mall. Saysenta porsyento niini ang nagagikan sa mga kumpanya nga nakabase sa gawas sa siyudad sa Dabaw samtang ang uban mga lokal nga operators.
“Last year’s paricpation was mostly companies based in Davao but we are happy now that many from outside the city joined and were happy with the turn out of the expo.”, matud ni Tan.
Dili lamang ang mga nagkalain-laing mga pribadong tour operators nga mihatag sa ubos nga presyo alang sa ilang travel ug tours, aduna usab tulo ka mga tourism board ang misulay sa pag paila sa ilang mga destinasyon sa turismo ngadto sa mga Dabawenyo.
Ang Tourism board sa Sabah, Malaysia, u gang Indonesia ang anaa aron sa ipakita ang money-value sa ilang mga tour packages.
Atol usab sa maong pag abli sa maong travel expo nga ang Indonesian Consul General dinhi sa dakbayan nga si Eko Hartono nag anunsyo sa pabli pag usab sa Davao-Manado nga koneksyon. Duha ka mga biyahe sa eroplano matag semana ang hapit na maangkon sa mga lokal nga mga biyahero padulong ngadto sa Manado, ang capital nga siyudad sa Nort Sulawesi, Indonesia.
Si Tan ug kauban ang mga lokal nga mga tour operators gidawat ang maong balita nga usa mayo ug dako ug ikatabang aron mapakusog ang turismo sa siyudad.
Sa laing bahin, ang Sabah Tourism Board nga mga opisyal ang mibisita sa dakbayan aron sa pag tan-aw sa posibilidad sa usa ka direct flight gikan Davao padulong Kota Kinabalu.
Ang pagsulod sa mga bag-ong airlines nga mga kumpanya susama sa AirAsia nga adunay biyahe gikan Davao-Clark ang nakadugang usab sa kadasig ngadto sa mga Dabawenyos nga mubiyahe nga domestic o di kaha international.
Si Tan nag esplika nga ang lokal nga mga turista nagpadayon gihapon sa pagpili sa Hongkong nga maoy ilang nahigustu-an nga international nga destinasyon samtang ang Bohol, Boracay,ug Palawan ang kasagarang nahigustu-an nga domestic nga destinasyon.
Ang DTAA nag target sa P10 milyon nga gross sales gikan sa travel expo. Si Tan usab naglantaw nga ilang malampasan ang maong target tungod kay ang mga nisalmot nga mga tour operators ang malipayon ug kuntento sa resulta sa unang duha ka adlaw sa maong travel expo. (PIA 11/Albert D. Cahilog)
No comments:
Post a Comment