COMPOSTELA VALLEY- Lima ka Kindergarten School Buildings ang gidungan pagtukod sa pampublikong mga tulunghaan sa Compostela Valley, ug mismong si Gov. Arturo “Chiongkee” Uy maoy nag deklarar sa Opening of the Bayanihan sa Paaralan Program (BSP) School Build, kon dungan nga pagtukod sa lima ka Kindergarten School Buildings sa pampublikong mga tulunghaan sa elementarya sa Pantukan, Mabini, ug Compostela niadtong Pebrero 28, 2012.
Gikan sa Philippine Amusement and Gaming Corporation (PAGCOR) ang pundo nga maoy gigamit sa upat ka School Buildings nga gisugdan pagtukod sa San Antonio E.S. sa Mabini, sa Osmeña E.S. sa Compostela, ug Kingking Central E.S ug ang Pantukan E.S.
Matud ni Executive Assistant Raul Timogtimog nga pinaagi sa Gawad Kalinga Foundation, ang probinsiya nakabahin ug lima ka School Buildings sa PAGCOR ilalom sa programang “PAGCOR Sibol” nga naglakip sa nahisgutang upat ka Kindergarten School Buildings sa upat ka School Sites, ug sa laing usa nga gipabarog diha sa New Katipunan Elementary School sa Maragusan sa Marso 1,2012.
Ug dungan sa pagtukod niadtong adlawa sa usa ka School Building sa PAGCOR Sibol diha sa Pantukan Central Elementary School mao ang usa ka Ground Breaking Ceremony nga naglangkob sa pagbendisyon ug sa pagmontar sa kapsula alang sa laing 1-unit 2 Classroom nga School Building nga gitkadang tukoron usab sa maong tulunghaan.
Kining proyektoha gihatag sa Therma-Marine Aboitiz sa Comval pinaagi sa AGAPP (Aklat Gabay, Aruga, sa Pag-angat at Pag-asa) Silid Pangarap Foundation ni Pinky Aquino-Abellada nga igsoon ni Presidente Aquino.
Segun sa mga nasabotan nga pinaagi sa KKBSP nga gipatuman sa Gobernador ang katilingban motabang sa mga trabahoon sa construction nga walay bayad. Apan dunay pito ka mga skilled workers sama sa karpintero, mason, welder, ug mixer operator nga gibayran. Ang construction ubos gihapon sa pagsupervise sa usa ka Civil Engineer sa gikan sa PEO. (gilbert cabahug/ids comval)
No comments:
Post a Comment