Thursday, March 8, 2012

Rehiyon XI anaa sa ika-upat nga puwesto sa sakit sa kidney


DAVAO CITY, March 8, (PIA) – Ang Davao Region migawas nga anaa sa ika-upat nga puwesto kabahin sa mga bag-ong kaso sa renal nga balati-an, kini gibutyag karon sa Philippine Renal Disease Registry 2010.

Ang rehiyon nakatala og 537 nga mga bag-ong pasyente sa tuig 2010 human sa hataas nga mga kaso sa maong balatia-an nga natala usab didto sa National Capital Region, Region 3, ug ang Region 4.

Si Dra. Theresa Bad-ang sa Philippine Society of Nephrology gitudlo ang hinungdan sa pagtaas sa mga pasyente nga nahibal-an nga natakbuyan sa maong renal nga balati-an ngadto sa dili himsog nga estilo sa panginabuhi (healthy lifestyle) ug ang uban nga mga sakit nga mag resulta sa renal failure sama sa diabetes ug hypertension.    

“Davao may be identified as having one of the most number of the new renal disease cases because we are the center of Mindanao . Everybody’s coming here to get diagnosed and get treated,” siya nag esplika.

Sa pagka tinu-od kini nakahatag og kabalaka, apan ang mga nephrologists susama kay Bad-ang nakita nga gikinahanlan nga pakusgan pa ang kampanya sa impormasyon batok renal nga balatian tungod kay kini mamahimong makatabang sa pag pugong padulong ngadto sa gitawag nga End Stage Kidney Disease ngadto sa mga pasyente nga nag-antos sa renal nga problema.

Ang PSN kauban ang mga pasyente nga adunay renal nga balatian ang misalmot sa World Kidney Day kagahapon, Marso 8 sa SM City Entertainment Center alang sa usa ka panagtapok ug pagahisgutan sa isyu nga may kalambigitan sa renal nga sakit.

Ang maong pagsaulog karong tuiga sa World Kidney Day adunay tumong nga palapdan ang pagkahibalo sa kaimportante sa kidney ngadto sa atong kinatibuk-ang kahimsog ug sa pag pakubos sa mga kaso ug epekto sa kidney nga balatiaan, ug ang mga kalakip problema sa kahimsog sa panglawas sa tibu-ok kalibutan.

Dinhi gipakita nga ang diabetes ug high blood pressure maoy nag unang hinungdan alang ngadto sa gitawag nga Chronic Kidney Disease (CKD) ug ang gikinahanglang sestimatikong screening ngadto sa tanang mga pasyente nga adunay diabetes ug hypertension ang kinahanglang i-awhag.

Gi-awhag ang Gobyerno nga mulihok ug magpundar ngadto sa kidney screening tungod kay ang mga awtoridad sa kahimsog ang magsagubang ngadto sa taas ug kamahal sa galastusan kung walay aksiyon ang pagahimu-on aron pagatambalan ang nagkdaghang mga tawo nga adunay CKD. (PIA-11/Albert D. Cahilog)


No comments:

Post a Comment