Nipasidaan ang pamunoan sa Philippine Atmospheric, Geophysical and
Astronomical Services Administration (PAGASA) sa publiko sa posibleng pag-igo
sa heatwave ilabi na sa kaulohan.
Matud pa ni PAGASA weather forecaster Aldczar Aurelio, ang normal
maximum temperature sa Metro Manila karong Marso nitala sa 23.4 degrees celcius
ug kun mosaka kini sa 3 degrees sulod sa lima ka sunod-sunod nga adlaw, matawag
na kini og heat wave.
Si Aurelio nagkanayon nga angay mag-amping ang publiko tungod sa
kainit sa panahon karon samtang nasinati sa nasod ang El Nino phenomenon.
Matud pa, mas init nga panahon pa ang masinati nato ilabi na sa
kaulohan sa dili pa matapos ang buwan tungod kay pawala na karon ang amihan ug
mopuli na ang hanging habagat nga may dalang init nga hangin.
Pahinumdom pa ni Aurelio, kinahanglang magdala kanunay ug tubig
nga mainom kun mogawas sa balay ug dili gayud magbuwad sa init gikan alas-10 sa
buntag hangtod alas-3 sa hapon aron makalikay sa epekto sa kainit sa panahon.
(PIA)
No comments:
Post a Comment